Ergo ka socota Soomaaliya oo gaaray Gudaha Maxkamadda ICJ

Ergo ka socda dowladda Soomaaliya ayaa hadda ku sugan gudaha Maxkamadda Calaamiga ee Garsoorka (ICJ) ee magaalada Hague.

Eerga ka socda Dowladda Soomaaliya ayaa waxaa ay gudbinayaan jawaabta gal dacwadeedka muranka badda ee Soomaaliya iyo Kenya.

Galkaan waxaa Maxkamadda lagu wareejinayaa maanta saacadda Bariga Afrika marka ay ku beegantahay 4:30PM xilliga Netherlands.

Ergadan waxaa hoggaaminaya Xeer Ilaaliyaha Guud ee Qaranka Dr. Axmed Cali Daahir, waxaana qeyb ka ah qareenno ay garwadeen ka tahay Dr. Muna Al Sharman iyo Danjiraha Soomaaliya ee Midowga Yurub Dr. Cali Said Faqi.

Waxaa sidoo kale Maxkamadda dhankooda soo gaaray Ergo ka socota dowladda Kenya, oo gudbin doona Gal dacwadeed.

Maxkamadda ICJ ayaa go’aamisay Sanadkii hore ay in qaadi doonto Muranka Badda ee ka dhaxeeya Soomaaliya iyo Kenya.

Dalka Kenya ayaa ku doodaya lahaanshiyaha dhul badeed lagu qiyaasay ilaa 100,000km2 oo ku dhaw berriga Soomaaliya, halka Soomaliyana ay isla dhulkaas sheeganeyso in ay biyaheeda ka mid yihiin.

Dhulkan la isku heysto ayaa la sheegay in ay ku jiraan Gaas iyo Saliid, dowladda Kenya ayaa dhulkaas heshiis kula gashay shirkado shisheeye in ay ka baaraan shidaal, ilaa 44 jeer ayaa Gaas iyo Saliid laga baaray goobtaas lagu murnasan yahay, shirkadaha baaritaanka ka sameeyay ee Kenya ay heshiiska la gashay waxaa ka mid ah Total, Eni iyo PanContinental.

Fikradaha Akhristayaasha (0)